Komuna e Prishtinës dhe ShSKUK-ja, marrëveshje bashkëpunimi
21 mars 2022
| 14:45
Kryetari i komunës së Prishtinës, Përparim Rama, dhe drejtori i Shërbimit Spitalor dhe Klinik Universitar të Kosovës, Valbon Krasniqi, kanë nënshkruar marrëveshjen e bashkëpunimit në mes të Shërbimit Spitalor dhe Klinik Universitar të Kosovës dhe komunës së Prishtinës.
Me këtë marrëveshje ofrohet shërbim më efikas për pacientët e shtrirë në Klinikën e Nefrologjisë në QKUK, e në rastet kur aty mungojnë hapësirat për trajtim, pacientët do të vazhdojnë të trajtohen edhe më tutje në QMF-në e lagjes “Kodra e Trimave”.