![](https://www.epokaere.com/wp-content/uploads/2024/08/s-3.jpg)
Komuna e Rahovecit dhe INPO forcojnë bashkëpunimin për transparencë në prokurim publik
Kryetari Smajl Latifi dhe përfaqësuesit e organizatës “Iniciativa për Progres” (INPO) mbajtën takim për të bashkëpunuar në implementimin e projektit “Tenderimi Transparent për Menaxhimin Kualitativ të Projekteve”, i cili mbështetet nga programi i USAID-it për integritetin e komunave të Kosovës.
Ky projekt synon të përmirësojë më tej praktikat e prokurimit publik në komunë, duke garantuar që specifikimet teknike të zhvillohen me standardet më të larta profesionale dhe që aktivitetet e prokurimit të iniciohen bazuar në projekte të plota dhe të detajuara.
Kjo qasje do të rrisë transparencën dhe efektivitetin në menaxhimin e projekteve të komunës.
Në përfundim të takimit, u pajtuan të ndërtojnë një partneritet të qëndrueshëm, duke harmonizuar objektivat dhe aktivitetet për realizimin e suksesshëm të projektit.