Komuna e Skenderajt me shqetësim ka përcjellë seancën e sotme të Gjykatës Speciale, në të cilën janë dënuar udhëheqësit e OVLUÇK-së, Hysni Gucatin dhe Nasim Haradinaj.

“Konsiderojmë që ky vendim dënues është i padrejtë dhe besojmë fuqishëm në pafajësinë e Hysni Gucatit e Nasim Haradinajt dhe të gjithë liderëve të UÇK-së të cilët janë duke u gjykuar në Hagë”, është thënë në reagimin e Komunës së Skenderajt.