Kongresisti amerikan, Eliot Engel po qëndron për vizitë në Serbi.

Ai u takua sot me nënkryetarin e Kuvendit të Serbisë, Vladimir Marinkoviq dhe një grup deputetësh serbë.

Engel pritet të takojë edhe presidentin e Serbisë, Aleksandar Vuçiq.

Eliot Engel është kryetar i Komisionit për Marrëdhënie me Jashtë të Dhomës së Përfaqësuesve, dhe ka qenë i përfshirë në zhvillimet në Ballkan që nga fillimi i viteve të ‘90-ta, transmeton “REL”.

Presidenti i Serbisë ishte takuar më parë me Engelin, gjatë Konferencës së 55-të Sigurisë në Mynih, në muajin shkurt. Me atë rast, fokusi i bisedës ishte rasti ende i pazgjidhur i vrasjes së vëllezërve Bytyqi.

Agron, Yll dhe Mehmet Bytyçi kanë luftuar në radhët e Ushtrisë Çlirimtare të Kosovës.

Ata janë vrarë në vitin 1999, pasi paraprakisht janë arrestuar nga autoritetet serbe për shkak të, siç është thënë, hyrjes së paligjshme në Serbi.