‘Konjufca është bërë zëdhënës i qëndrimeve politike të qeverisë’
Këshilli për Mbrojtjen e të Drejtave dhe Lirive të Njeriut (KMDLNj) ka vlerësuar se kryetari i Kuvendit të Kosovës, Glauk Konjufca është bërë zëdhënës i qëndrimeve politike të qeverisë Kurti.
Duke kritikuar Kuvendin për mospunë, KMDLNj-ja ka theksuar se qeveria është duke e mbikëqyrë punën e legjislativit.
“Kuvendi i Kosovës ka mandat kushtetues dhe ligjor ta mbikëqyrë punën e qeverisë së Kosovës dhe po ndodhë pikërisht e kundërta, Qeveria e Kosovës është bërë më Kuvend se vet Kuvendi i Kosovës kurse kryefolësi i Kuvendit është bërë zëdhënës i qëndrimeve politike të Qeverisë së Kosovës duke respektuar rreptësisht hierarkinë; se pari deklarohet kryeministri pastaj, me një vonesë të vogël ia vërteton kryefolësi i Kuvendit”, është thënë në reagimin e KMDLNj-së, duke shtuar se Kuvendi i Kosovës është më përtaci në rajon.
