Konjufca i premton bashkëpunim kryetares së Gjykatës Kushtetuese
08 korrik 2021
| 14:44
Kryetari i Kuvendit të Republikës së Kosovës, Glauk Konjufca, ka pritur të enjten në takim kryetaren e Gjykatës Kushtetuese, Gresa Caka – Nimani.
Në këtë takim është biseduar, ndër të tjera për punën e deritashme dhe sfidat e Gjykatës Kushtetuese, si dhe rëndësinë e bashkëpunimit institucional në konsolidimin e kapaciteteve të saj profesionale.
Konjufca e ka përgëzuar Caka – Nimanin për zgjedhjen e saj në krye të Gjykatës Kushtetuese dhe ka premtuar bashkëpunim të ngushtë, duke theksuar se sundimi i ligjit mbetet prioritet i institucioneve të vendit.