![](https://www.epokaere.com/wp-content/uploads/2022/04/konjfufca.jpg)
Konjufca: Kosova është shembull i kultivimit të marrëdhënieve ndëretnike
Me rastin e 23 prillit – Festës Kombëtare të Turqve të Kosovës, kryetari i Kuvendit të Kosovës, Glauk Konjufca, ka pritur sot në takime të ndara, një delegacion të Partisë Demokratike Turke të Kosovës (KDTP), të prirë nga kryetari njëherësh dhe ministër i Zhvillimit Rajonal, Fikrim Damka, si dhe kreun e partisë Lëvizja Novatore Turke (YTHP) Ertan Simitci me bashkëpunëtorët.
Konjufca ka uruar për festën qytetarët e komunitetit turk, duke i falënderuar për kontributin e çmuar në shtetndërtimin dhe zhvillimin afatgjatë të Kosovës.
Ai tha se shteti ynë është shembull i kultivimit të marrëdhënieve ndëretnike dhe vlerësoi lart rolin e komunitetit turk në forcimin e marrëdhënieve mes Republikës së Kosovës dhe Republikës së Turqisë.
“Komuniteti turk në Kosovë dhe ai shqiptar në Turqi, përveç pasurimit të diversitetit kulturor, janë edhe ura lidhëse në raportet bilaterale mes shteteve tona mike”, theksoi Konjufca, duke shprehur përkushtimin për të mbështetur komunitetin turk dhe komunitetet e tjera në Kosovë, të cilat janë pjesë e të gjitha institucioneve shtetërore