Kryetari i Kuvendit të Kosovës, Glauk Konjufca, ka thënë se janë mbledhur në këtë seancë të përbashkët të dy kuvendeve në fund të këtij viti për ta dëshmuar unitetin e Kosovës dhe Shqipërisë përballë sfidave strategjike e gjeopolitike të sigurisë, që siç tha ai e shoqërojnë rajonin tonë dhe kontinentin tonë edhe gjatë këtij viti.

“Edhe dy muaj bëhen tri vjet që nga agresioni i paprovokuar i federatës ruse. Si rajon dhe si Kosovë i kemi ndier ndikimet e tërthorta e të drejtpërdrejta të këtij agresioni. Republika e Kosovës po e mbyll këtë vit e sulmuar nga elementet të cilat lidhen me Serbinë e që po e synojnë destabilizimin e Kosovës me metoda terroriste si dhe të luftës hibride. Sulmi që u bë para pak ditësh në kanalin e Ibër Lepencit nuk mund të konsiderohet ndryshe përveç si sulm terrorist nga ata që refuzojnë ta pranojnë Kosovën si një realitet sovran dhe si një rens ligjor dhe demokratik i cili nuk ka alternativë në tërë territorin e saj”, ka thënë Konjufca.

Ai ka theksuar  se organizator dhe mbështetës i këtij sulmi është Radojçiqi dhe i mbështetur drejtpërdrejt nga Vuçiqi

“Mos të harrojmë që ky sulm ndaj infrastrukturës sonë kritike, furnizimit me ujë e energji, vjen një vit pas sulmit tjetër të rëndë që përjetojë Republika jonë e që ishte sulmi në Banjskë. Organizator dhe mbështetës i këtij sulmi është Radojçiqi dhe i mbështetur drejtpërdrejt nga Vuçiqi e cili ende mbetet i pandëshkuar drejtësia në Serbi e që po thuajse nuk ekziston fare”,  ka deklaruar Konjufca. /EO