Kryetari i Kuvendit të Republikës së Kosovës, Glauk Konjufca, ka shkuar për ngushëllime në familjen e ish-presidentit Hashim Thaçi.

Babai i Hashim Thaçit, Haxhiu është ndarë nga jeta të dielën mbrëma, ndërsa lamtumira e fundit i është dhënë dje në fshatin Burojë të Skenderajt.

Për tri ditë radhazi do të ketë të pame për vdekjen e Haxhi Thaçit, teksa Konjufca sot (e mërkurë) ka ngushëlluar familjarët e të ndjerit. Pas përfundimit të vizitës, ai ka shkruar disa fjalë edhe në librin e zisë.