Kryetari i Kuvendit të Republikës së Kosovës, Glauk Konjufca, së bashku me këshilltaren Arbenita Mjekiqi, ka pritur në takim ambasadorin jo-rezident të Belgjikës për Kosovë, Frederic Meurice, i cili shoqërohej nga shefi i zyrës belge, Julien Sassel.

Me këtë rast, Konjufca ka falënderuar ambasadorin belg për mbështetjen e Belgjikës përgjatë proceseve shtetndërtuese të vendit tonë dhe në agjendën evropiane.

Në takim, ndër të tjera është theksuar përkushtimi për thellimin e mëtutjeshëm të partneritetit dhe bashkëpunimit në mes të Kosovës dhe Belgjikës.