Konjufca takohet me Metën
07 qershor 2021
| 12:20
Kryetari i Kuvendit të Kosovës, Glauk Konjufca, pas takimit me homologun shqiptar, Gramoz Ruçi është pritur në takim edhe nga presidenti i Shqipërisë, Ilir Meta.
Konjufca në vizitën e parë zyrtare në Shqipëri do të takohet edhe me kryetarin e Partisë Demokratike, Lulzim Basha.
Ai në një konferencë të përbashkët me Ruçin, ka thënë se Kosova dhe Shqipëria kanë interesa të përbashkëta dhe se edhe politika duhet të bëhet e përbashkët.
“Asnjë fjalë nuk mund ta përmbledh kontributin e madh e të çmuar që Shqipëria e ka dhënë në vazhdimësi për shtetin tonë, Kosovën. Ne kemi interesa të përbashkëta meqenëse jemi në komb. Të tillë mendoj se duhet ta kemi edhe politikën”, ka thënë Konjufca.