Në seancën e sotme plenare, kryetari i Kuvendit të Kosovës, Glauk Konjufca, pasi e ka nisur seancën, ua ka uruar deputetëve të LDK-së 33-vjetorin e themelimit të partisë.

“Ju urojmë ditëlindjen tuaj, jetë të gjatë e të lumtur politike”, ka thënë Konjufca nga foltorja e Kuvendit.

Kryetari i Lidhjes Demokratike të Kosovës (LDK), Lumir Abdixhiku në 33-vjetorin e themelimit të kësaj partie ka bërë homazhe te varri i ish-presidentit të Kosovës, Ibrahim Rugova.

Abdixhiku para mediave ka thënë se këtë ditë së bashku me anëtarët e LDK-së e kanë nisur duke nderuar presidentin historik, prijësin e shqiptarëve në periudhën më të vështirë të popullit të Kosovës.