Donat Syla, Konsull i Përgjithshëm i Kosovës në Toronto, përmes rrjetit social “Facebook” ka bërë me dije se ka takuar shefin e Protokollit dhe Marrëdhënieve Ndërkombëtare të Ontarios Stewart Wheeler. 

Konsulli Syla e ka njoftuar atë me punët që janë kryer për funksionalizimin e Konsullatës së Përgjithshme të Republikës së Kosovës në Toronto.

Ja postimi i tij i plotë:

Sapo realizova një takim me Shefin e Protokollit dhe Marrëdhënieve Ndërkombëtare të Ontarios, Stewart Wheeler.

Në takimin njoftues mora premtime nga z. Wheeler dhe kabineti i tij se do të angazhohen maksimalisht në krijimin e infrastrukturës për fuqizimin e marrëdhënieve ndërmjet Ontarios/Kanadasë dhe Republikës së Kosovës.

Ndërkaq, z.Wheeler e njoftova për punët që janë kryer për funksionalizimin e Konsullatës së Përgjithshme të Republikës së Kosovës në Toronto, si dhe për mundësitë që do të ofrojë konsullata jonë në intensifikimin e marrëdhënieve dypalëshe. 

Donat Syla

Konsull i Përgjithshëm i Kosovës në Toronto, 

ON, Kanada