Para pak çastesh ka hyrë në Shqipëri kortezhi me trupat e pajetë të nëntë mërgimtarëve dhe shoferit të autobusit të cilët kanë humbur jetën në aksidentin që ka ndodhur më 25 korrik në Kroaci, raporton “Epoka e re”.

Kortezhi me trupat e pajetë ka kaluar pikën kufitare në Muriqan, kurse nga aty janë duke u përcjell në organet e rendit të Shqipërisë për në Kosovë.

Në këtë pikë kufitare ka dalë edhe ambasadori i Kosovës në Shqipëri, Nait Hasani.

Trupat e pajetë pritet të arrijnë në pikën kufitare në Morinë rreth orës 14:00.