Ministri i Shëndetësisë (MSh), Uran Ismaili, ka zhvilluar një takim me ambasadorin e Shteteve të Bashkuara të Amerikës (ShBA) në Kosovë, Philip Kosnett.

Gjatë këtij takimi, ministri Ismaili e ka njoftuar ambasadorin amerikan për punën dhe reformat që janë duke u realizuar në sektorin e shëndetësisë.

Ministri Ismaili e ka falënderuar ambasadorin Kosnett për mbështetjen e Shteteve të Bashkuara të Amerikës për shtetin e Kosovës gjatë historisë.

Ndërsa, ambasadori Kosnett ka thënë se “shëndeti dhe arsimi janë në thelbin e të ardhmes së Kosovës”.

Ambasadori Kosnett ka vlerësuar përpjekjet e ministrit Ismaili për ta ndërtuar një strukturë të qëndrueshme për ofrim më të mirë të shërbimeve shëndetësore.

/Epoka e re/