Presidentja e Republikës së Kosovës, Vjosa Osmani është takuar të martën me ministrin e Shtetit për Forcat e Armatosura të Britanisë së Madhe, James Heappey.

Pas takimit, Osmani ka bërë me dije se në këtë takim është rikonfirmuar vendosmëria për të vazhduar forcimin e partneritetit në mes të Kosovës dhe Britanisë së Madhe, në veçanti në fushën e mbrojtjes.

“Në takimin e sotëm me ministrin e Shtetit për Forcat e Armatosura të Britanisë së Madhe, James Heappey, rikonfirmuam vendosmërinë për të vazhduar forcimin e partneritetit tonë, në veçanti në fushën e mbrojtjes”, ka shkruar Osmani në “Twitter”.