Kosova dhe Maqedonia nënshkruajnë 11 marrëveshje
16 shtator 2021
| 12:54
Shefi i Stafit të kryeministrit Albin Kurti, Luan Dalipi, ka njoftuar se qeveria e Kosovës dhe ajo e Maqedonisë së Veriut në mbledhjen e përbashkët sot, kanë nënshkruar 11 marrëveshje.
Në profilin e tij në “Facebook”, ai ka përmendur disa nga marrëveshjet e nënshkruara.
“Sot Qeveria e Kosovës nënshkruan 11 marrëveshje me Qeverinë e Maqedonisë së Veriut. Disa nga marrëveshjet: studim i fizibilitetit për rrugën ’Prizren–Tetovë’; bashkëpunim në sferën e diasporës, rregullim kufitar të komunikacionit hekurudhor, bashkëpunim në sektorët e energjisë, turizmit, kontrollit të mallrave strategjike, inovacionit, zhvillimit teknologjik dhe ndërmarrësisë, dhe në qeverisje lokale”, ka shkruar Dalipi.