Qeveria e Kosovës i ka vendosur sanksione regjimit të presidentit autokrat, Alyaksandr Lukashenko në Bjellorusi.

Në mbledhjen e sotme, kabineti qeveritar ka vendosur ta miratojë vendimin që sanksionon 183 individë dhe 26 entitete të lidhura me regjimin e Lukashenkos.

“Pika e katërt është shqyrtimi i propozim-vendimit për zbatimin e sanksioneve ndërkombëtare ndaj 183 individëve dhe 26 entiteteve bjelloruse të ndërlidhura me regjimin e presidentit bjellorus, Aleksandyr Lukashenko”, ka thënë kryeministri Kurti.

Ministria e Punëve të Jashtme dhe Disporës ia ka propozuar Qeverisë së Kosovës vendimin për zbatimin e të gjitha sanksioneve të zbatuara nga Bashkimi Evropian deri më tani ndaj Bjellorusisë.