Si vazhdimësi e koordinimit ndërinstitucional për sektorin e energjisë, kryeministri Ramush Haradinaj ka takuar sot të gjithë akterët e këtij sektori me qëllim të ruajtjes së stabilitetit të energjisë elektrike në vend, kyçjen e burimeve të ripërtëritshme, përmirësimet në rrjet dhe partneritetin me institucionet ndërkombëtare në këtë fushë. 

“Nga puna e dëritanishme kuptuam që Kosova ka përmbushur të gjitha kërkesat e marrëveshjes së Brukselit për energji, përkundër palës serbe që po gjen justifikime për bllokimin e zbatimit të marrëveshjes”, ka thënë Haradinaj.

Ai ka shtuar se Kosova po ashtu ka përmbushur pjesën e saj të përgjegjësisë në raport me partnerët ndërkombëtarë në energji, dhe sipas Haradinajt ka bazë të mirë legjislative për pranimin e investimeve të reja në energjinë alternative. 

/Epoka e re/