![](https://www.epokaere.com/wp-content/uploads/2023/11/12F25706-D65F-4970-AEE5-C5248DBF4686-1024x683-1.jpeg)
Kosova në kërkim të fitores ndaj Sllovakisë
Kombëtarja e Kosovës në hendboll është e përkushtuar për të kërkuar fitoren ndaj Sllovakisë.
Ndeshja Kosovë – Sllovaki zhvillohet të dielën prej orës 17:00 në Pallatin e Rinisë dhe Sportit në Prishtinë.
Të enjten në Povazska Bystrica, Kosova pësoi 33:23 nga sllovakët në ndeshjen e parë të fazës së parë kualifikuese për Botërorin 2025.
Të dielen mbrëma është ndeshja e kthimit. Hendbollistët e Kosovës dhe shtabi teknik i udhëhequr nga selektori Bujar Qerimi janë të përkushtuar për të përmirësuar përshtypjet. Fokusi është maksimal në kërkim të fitores.
Të shtunën Kombëtares i është bashkuar edhe kapiteni Valon Dedaj, që nuk kishte mundësi të paraqitej në ndeshjen e parë. Ardhja e kapitenit është shoqëruar me energji shtesë pozitive në Kombëtare.
Djemtë tanë llogarisin në përkrahje nga tribunat në kërkim të fitores ndaj sllovakëve që megjithatë kanë Kombëtare serioze.