Atmosferë e shkëlqyer ishte te Përfaqësuesja A e Kosovës në hendboll në stërvitjen e radhës.

Nën urdhrat e selektorit Bujar Qerimi, djemtë tanë kanë punuar me përkushtim e seriozitet maksimal.

Është punuar në elemente të ndryshme, kryesisht taktike, dhe niveli sa shkon e rritet. Grupi tashmë është thuajse i kompletuar, ndërsa lojtarët dhe shtabi teknik janë të vetëdijshëm që ndaj Britanisë së Madhe pritet paraqitje dhe fitore bindëse.

Kosova vazhdon me stërvitje edhe sot, ndërsa ndeshja me Britaninë e Madhe është të mërkurën prej orës 20:30 në Pallatin e Rinisë dhe Sportit në Prishtinë.