Kryeministri në largim, Ramush Haradinaj, ka treguar se ka zhvilluar një bisedë telefonike me presidentin Ilir Meta, të cilit i ka shprehur solidaritetin dhe gatishmërinë e popullit të Kosovës për të ofruar tërë ndihmën e nevojshme për të përballuar këtë situatë të rëndë në Shqipëri.

Haradinaj ka kërkuar nga komandanti i FSK-së Rrahman Rama, drejtori i Policisë Rashit Qalaj, që të mobilizojnë të gjitha njësitet emergjente për t’i dalë në ndihmë shtetit dhe qytetarëve të Shqipërisë me të gjitha kapacitetet e nevojshme.