Kombëtarja e Kosovës në futsall ka pësuar humbjen e dytë në kuadër të kualifikimeve për Kampionatin Botëror 2024. Dardanët janë mundur nga Ukraina favorite, me rezultat 3:1.

Ndeshja u zhvillua në qytetin leton, Salaspils, për shkak të luftës në Ukrainë. Kosova e nisi mirë ndeshjen dhe kaloi në epërsi qysh në minutën e dytë, kur realizoi Fejza Kastrati. Megjithatë, ukrainasit barazuan shifrat në minutën e 15-të, me golin e Ihor Cherniavskyit, pas një gabimi në mbrojtje.

Presioni i Ukrainës në pjesën e dytë ishte edhe më i madh dhe si rrjedhojë erdhën edhe dy gola. Në minutën e 24-t shënoi Ihor Korsun, ndërsa tre minuta më pas për rezultatin përfundimtar shënoi Andrri Melnyk. Ndeshjen e radhës Kosova e luan më 8 nëntor si vendase e Ukrainës.