Ministri i Punëve të Jashtme i Republikës së Kosovës, Behgjet Pacolli, ka bërë me dije se ka njohur Juan Guaidon si president të ri të Venezuelës.

Ai nëpërmjet llogarisë se vet në “Twitter”, ka uruar Guaidon dhe qytetarët e Venezuelës për siç ka thënë rrugëtimin drejt rivendosjes së demokracisë në këtë vend.

Ky qëndrim i Pacollit në emër të institucioneve të Kosovës vjen menjëherë pas deklarimit të presidentit Donald Trump se ShBA-ja e njoh presidentin e vetëshpallur të Venezuelës si legjitim dhe të përkohshëm deri në mbajtjen e zgjedhjeve të lira.

Guaido, i cili ka bërë thirrje për protesta masive kundër Qeverisë së Nicolas Maduro, e ka deklaruar veten si udhëheqës të përkohshëm ditën e mërkurë në Karakas.

Dhjetëra mijëra qytetarë kanë dalë rrugëve për të protestuar kundër Nicolas Maduro.

Kujtojmë se Venezuela nuk e ka njohur ende pavarësinë e Kosovës.

With the restoration of democracy in #Venezuela and establishment of new authorities that respect rule of law and the dignity of the citizens of Venezuela, Kosovo looks forward to establish diplomatic relations with Venezuela. We will share our state-building experience.

— Behgjet Pacolli (@pacollibehgjet) January 23, 2019