Në Kosovë ka mbërritur gazetarja e radhës ukrainase, Kateryna Bilobrova, si pjesë e programit “Journalists in Residence –Kosovo”.

Ajo në aeroport është mirëpritur nga drejtoresha ekzekutive e AGK-së, Getoarbë Mulliqi, zyrtarja ligjore e European Centre for Press and Media Freedom ECPMF, Flutura Kusari, përfaqësueses të Ministrisë së Punëve të Brendshme dhe Policisë së Kosovës.

Bilobrova është gazetarja e nëntë që strehohet në Kosovë në kuadër të programit JiR, i cili mbështetet financiarisht nga Qeveria e Republikës së Kosovës.

Ky program është duke u zbatuar nga Asociacioni i Gazetarëve të Kosovës në bashkëpunim të ngushtë me ECPMF-në, përmes së cilit gazetarëve ukrainas u siguron pagë mujore, akomodim në banesë, kushte për punë, kurse të gjuhës dhe të integrimit, si dhe ndihmë psiko-sociale sipas nevojës.