KOSTT përmes një komunikate për media ka bërë të ditur se furnizimi me energji elektrike në kryeqytet është stabilizuar, pas rënies nga puna të transformatori TR 1 në Nënstacionin 110/35/10 kV Prishtina 1.

“Sot më 26 dhjetor 2017, në ora 16:59 ka rënë nga puna transformatori TR 1 në Nënstacionin 110/35/10 kV Prishtina 1, si pasojë një pjesë e konsumatorëve që furnizohen nga ky nënstacion kanë mbetur pa furnizim me energji elektrike. Ekipet e mirëmbajtjes të KOSTT kanë dalë menjëherë në terren dhe ana 110 kV e TR 1 është kyçur ne ora 18:06, ana 35 kV e TR 1 është kyçur në ora 18:08, ndërsa ana 10 kV është kyçur në ora 18:24, duke e stabilizuar kështu furnizimin me energji elektrike nga NS Prishtina1. Shkaktar i rënies ishte dalja e nivelit distributiv 10 kV (J17)”, thuhet në deklaratën për media të KOSTT-it.