KOSTT bëri të ditur se nga ora 05:00 deri në ora 08:00 të premten do të bëhet shkyçja e linjës 35kV e cila lidhë NS Rahovec me NS Malisheva.

Në njoftimin e KOSTT thuhet se “gjatë intervalit të lartcekur kohor, qytetarët/institucionet të cilat furnizohen nga NS Malisheva, do të mbesin pa furnizim me energji elektrike”.

“KOSTT njofton opinionin, që me qëllim të krijimit të kushteve të sigurisë në punë për vazhdimin e punimeve për ndërtimin e linjës së re të tensionit të lartë 110kV NS 110/35/10(20)kV Theranda-NS 110/35/10(20) kV Rahoveci,me datë 22 Maj 2020 (E Premte) nga ora 05:00 deri në 08:00, do të bëhet shkyçja e linjës 35kV e cila lidhë NS Rahovec me NS Malisheva. Implementimi i projektit në fjalë do të ndikojë në rritjen e stabilitetit dhe sigurisë së furnizimit me energji elektrike nga aspekti i transmetimit për këtë rajon.  Ky projekt i KOSTT bashkë financohet me Bankën Evropiane për Rindërtim dhe Zhvillim (BERZH)”, thuhet në njoftim. (A. M / Epoka e re).