Kalidou Koulibaly largohet nga Chelsea vetëm pas një sezoni. 32-vjeçari senegalez do të jetë pjesë e Al Hilal në tri vitet e ardhshme. Klubi saudit ka paguar 25 milionë euro në arkat e Chelsea, ndërkohë që Koulibaly do të përfitojë 30 milionë euro në sezon.

“Ne dëshirojmë të falënderojmë Koulibalyn për kontributin e tij brenda dhe jashtë fushës gjatë kohës së tij në ‘Stamford Bridge’. Dhe t’i urojmë atij suksese në fazën tjetër të karrierës së tij”, thuhet në komunikatën zyrtare të “Bluve të Londrës”.