Trajneri i Bayern Munchen, Niko Kovaq, ka thënë se Liverpool është favorit në letër, por se Bayerni mund të kualifikohet në çerekfinale.

“Ne jemi të lumtur me shortin. Ata ishin skuadra më e vështirë që mund të përballeshim. Liverpooli ishte finalist sezonin e kaluar dhe aktualisht janë në krye të Ligës Premier. Ata janë favorit kryesor për të fituar Ligën e Kampionëve këtë vit, por ne jemi Bayerni dhe ata e dinë se duhet të vijnë tek ne për ndeshjen e kthimit. Mundësitë për kualifikim janë të barabarta”, ka thënë Kovaq.