Me hedhjen poshtë nga Gjykata Supreme të ankesës së Lëvizjes Vetëvendosje kundër vendimit të PZAP-it që kërkon certifikimin e Listës Serbe dhe 48 kandidatëve të saj, është mbyllur çështja e pjesëmarrjes në zgjedhje të kësaj partie politike.

Lista Serbe dhe kandidatët e saj do të përfshihen në garën zgjedhore të zgjedhjeve për Kuvendin e Kosovës të datës 9 shkurt 2025.

Kjo vjen pasi që siç është thënë në mbledhjen e KQZ-së nga kryesuesi i këtij institucioni, Kreshnik Radoniqi, vendimi i PZAP-së është i plotfuqishëm.

Radoniqi ka thënë e sipas ligjit jemi të obliguar ta zbatojmë vendimin e PZAP-së. /EO

.