Zëdhënësi i KQZ-së, Valmir Elezi për Klankosova.tv bëri të ditur se numri i qytetarëve që kanë votuar në procesin e votimit për apo kundër largimit të kryetarëve nga funksioni i tyre, është gjithsej 253.

Në komunën e Zveçanit nuk ka pasur asnjë votues gjatë këtij procesi votimi, në Leposaviq 124, në Zubin Potok 18 dhe në Mitrovicë të Veriut 111.

Të dhënat e plota:

• Në komunën e Leposaviqit kanë votuar 124 votues nga 13,674 apo 0.91%;
• Në komunën e Zubin Potokut kanë votuar 18 votues nga 6,877 apo 0.26%;
• Në komunën e Zveçanit nuk ka votuar asnjë votues nga 7,209 pra kemi 0%;
• Në komunën e Mitrovicës së Veriut kanë votuar 111 votues nga 18,796 apo 0.59%.