Mediat amerikane dhe gjermane e kanë kritikuar Perëndimin për qasjen ndaj Serbisë pasi një grup prej 56 politikanësh evropianë dhe amerikanë ia dërguan një letër Sekretarit amerikan të Shtetit, Antony Blinken, shefit të politikës së jashtme të BE-së, Josep Borrell dhe sekretarit të jashtëm të Mbretërisë së Bashkuar, James Cleverly, duke kërkuar një politikë më të ashpër ndaj Beogradit, kryesisht në lidhje me marrëdhëniet e tij me Kosovën.

Për Richard Kraemer, një bashkëpunëtor në Institutin e Kërkimeve të Politikës së Jashtme të ShBA-së, kritikat e mediave perëndimore nuk janë befasi. “Këto shfaqje modeste të pakënaqësisë me Beogradin tregojnë se disa liderë perëndimorë janë të ngopur me shakatë manipuluese të (presidentit serb Aleksandër) Vuçiq”, ka thënë ai.

Ambasadori i SHBA-së në Beograd, Christopher Hill e ka mbrojtur qasjen e ShBA-së ndaj marrëdhënieve me qeverinë e Vuçiqit në një intervistë për shërbimin serb të “Zërit të Amerikës”.

“Ju keni politika jo vetëm për sukses, por sepse ato janë politikat e duhura për t’i pasur”.

“Ne peshojmë interesin tonë për të formuluar një politikë dhe vazhdojmë me të me idenë se kjo është gjëja e duhur për të bërë nga qeveria jonë”, ka thënë Hilli.

Ndërsa Johanna Deimel, një eksperte gjermane për Ballkanin, ka vënë në dukje në dukje raportet e publikuara, bazuar në një dokument të zbuluar të inteligjencës amerikane, se Serbia ka pranuar në heshtje t’i sigurojë armë Ukrainës për mbrojtjen e saj kundër pushtimit rus.

“Nga njëra anë, Beogradi është kritikuar për refuzimin për t’iu bashkuar sanksioneve të BE-së kundër Rusisë, dhe nga ana tjetër, duket se, për shembull, dërgesat e armëve në Ukrainë po ndihmojnë për të mbyllur një sy diku tjetër”, ka thënë ajo.

Ajo ka thënë se përpjekjet për ta afruar Serbinë më afër me Perëndimin janë të ndërlikuara nga ndikimi rus në mediat e rajonit dhe investimet e saj në sektorin e energjisë në Ballkan.

Më tutje, Kraemer ka thënë se Serbia është pothuajse tërësisht e varur nga furnizimet me gaz natyror nga Rusia dhe ruan lidhje tregtare dhe ushtarake me Moskën, ndërsa ndjenjat proruse janë të larta në vend, shkruan “Zëri i Amerikës”, në një tekst me titullin “A po ndryshon Perëndimi politikën e tij ndaj Serbisë?”.

Ai ka thënë se Perëndimi “është përkulur mbrapsht në përpjekje për ta joshur Beogradin në tufën transatlantike me karota, ndërsa shikon nga anash statusin e përfaqësuesit të Serbisë përballë agjendës ballkanike të Kremlinit”.

“Përse ata menduan se kjo do të funksiononte, duke marrë parasysh refuzimin e hapur të Vuçiqit për, mbetet një mister për mua”.

“Sanksioni i Departamentit të Thesarit ndaj Vulinit – i paprecedentë pasi ai është një zyrtar i qeverisë serbe në detyrë – mund të interpretohet me të drejtë si një paralajmërim”.

“Mbetet për t’u parë nëse Uashingtoni dhe partnerët e tij kanë guximin t’i sanksionojnë të tjerët të ngjashëm me Vulinin”, ka thënë Kraemer.