Kryetari i Partisë Demokratike të Kosovës (PDK), Memli Krasniqi, ka bërë me dije se deri në fund të muajit korrik do ta propozojë Kryesinë e re të partisë në Këshillin Drejtues.

Këto komente, Krasniqi i ka bërë pas takimit me mësues dhe figura të rëndësishme të artit dhe kulturës në Prizren.

Krasniqi ka konfirmuar se edhe emrat e kandidatëve për kryetar të komunave për zgjedhjet lokale që do të mbahen me 17 tetor do të bëhen muajin tjetër.

“Deri më datën 16-17 gusht do të shpallen të gjitha kandidaturat. Deri në fund të muajit do ta plotësojë Kryesinë e re në Këshillin Drejtues”, ka thënë Krasniqi.