![](https://www.epokaere.com/wp-content/uploads/2024/03/Memli-Krasniqi-Bedri-Hamza-1.jpg)
Krasniqi i bindur se Hamza do të jetë kryeministër: Me Hamzën qytetarët do të befasohen me ngritjen e pagave
Kryetari i Partisë Demokratike të Kosovës (PDK), Mmeli Krasniqi është shprehur i bindur se Bedri Hamza do të jetë kryeministri i ardhme i Kosovës.
Ai ka thënë se Hamzën kryeministër, qytetarët e Kosovës do të befasohen vetëm për të mirë.
Në emisionin “Click” në “RTV21”, ai ka vlerësuar se Kosova ka nevojë për një qeveri që kryen punë.
“Unë jam absolutisht i bindur që kryeministër i ardhshme do të jetë Bedri Hamza. Këtë e kam bindje”, është shprehur ai.
Duke e kritikuar Qeverinë Kurti për befasitë jo të mira që ua ka bërë qytetarëve të Kosovës, Krasniqi ka thënë se me Hamzën kryeministër befasi do të jetë rritja e pagave.
“Me PDK-në dhe me Bedri Hamzën si kryeministër befasinë më të madhe që mundem me e pasur qytetarët është se kur të ngritën në mëngjes kontot e tyre me pa që iu kanë rritu pagat. Kjo është befasi më e madhe që ne mund të ua bëjmë”, ka thënë Krasniqi.
Sipas të parit të PDK-së, Kosovës i dihet një qeveri normale.
“Një projekt qeverisës, i cili atë që e thotë edhe e realizon, një qeveri që kryen punë. Sot këtij vendi i duhet një qeveri që përtej fjalëve kryen punë. Në me fjalë nuk mund të konkurrojmë me Albin Kurtin”, ka thënë ai.
Kryetari i PDK-së në këtë intervistë ka folur edhe për procesin e dialogut.
Ai e ka kritikuar Qeverinë Kurti për degradimin e këtij procesi.
Sipas tij, draft-statuti i Asociacionit është shumë i rrezikshëm.
“Mendoj se është një draft i keq, i cili rrezikon absolutisht jo në ditën e themelimit të asociacionit, por 6 muaj ose 5 vjet pas me pasur një entitet i cili përveç e një autonomie politike e rrezikon edhe funksionimin shtetit të Kosovës dhe është fatkeqësi pse ka ardhur deri këtu , sepse ky është një tekst i cili e ka prodhuar Albin Kurti me mosveprimin e tij”, ka thënë Krasniqi.
Ai ka bërë me dije se në bashkëpunim me ShBA-të do të hartonte një draft tjetër.
“Kurgjo pa amerikanë nuk ndodh. Unë të nesërme e kisha filluar këtë proces me mirësjellje me kërkesë për ndihmë ekspertëve të ShBA-së…s’është e vonshme, nuk është bre shkencë ajo këta veç s’kanë deshtë, s’kanë ditë ose s’kanë guxuar për një javë kryhet ajo punë”, ka thënë Krasniqi.
Ai është shprehur i bindur se brenda 100 ditëve të para të qeverisjes së PDK-së do ta ristartonte procesin e dialogut.
“Ju siguroj që PDK-ja në momentin që do vijë në qeveri në 100 ditët e para ne do ta resetojmë dialogun , që nënkupton më së pari do të ketë një komision të ri, do të ketë ndërmjetës të ri si dhe do të ketë ndryshim qasje të dialogut”, ka deklaruar Krasniqi.