Kryetari i Partisë Demokratike të Kosovës, Memli Krasniqi, ka thënë se qeveria aktuale e ka konfirmuar se nuk i do çlirimtarët, nuk i mbështet nevojat e familjeve të dëshmorëve, invalidëve dhe veteranëve të UÇK-së.

Kreu i PDK-së ka publikuar një video duke cituar raportin e Komisionit Evropian për Kosovën ku dëshmohet se qeveria aktuale i ka hequr nga ligji për pagën minimale të gjithë veteranët e UÇK-së.

“Kjo qeveri e kjo mazhorancë e ka konfirmuar se nuk i do çlirimtarët, nuk i mbështetë nevojat e familjeve të dëshmorëve, invalidëve dhe veteranëve të UÇK-së”, ka shkruar Krasniqi në “Facebook”.