Kryetari  i Partisë Demokratike të Kosovës (PDK), Memli Krasniqi, i shoqëruar nga kolegë dhe bashkëpunëtorë, kanë vizituar të martën familjen e sekretarit të kësaj parti, Bajrush Xhemaili, për t’iu shprehur ngushëllime pas ndarjes nga jeta të nënës së tyre, Fatime Xhemaili.

“Nëna Fatime ishte simbol i qëndresës, sakrificës dhe dashurisë për atdheun, amaneti i së cilës do të mbetet i gjallë në zemrat tona, në rrugën e fëmijëve të saj veprimtarë dhe në kujtesën e përjetshme të popullit tonë. U prehtë në paqe shpirti i saj!”, ka njoftuar PDK-ja.