Kryetari i PDK-së, Memli Krasniqi, është nisur për në Itali. Krasniqi do të jetë i shoqëruar edhe nga deputetët Enver Hoxhaj e Elmi Reçica.

Ai atje shkon për të marrë pjesë në Kuvendin Zgjedhor të degës së PDK-së në Itali që do të mbahet në Firenze.

“Rrugës për në Itali, ku mezi po pres të takoj shumë aktivistë e mbështetës të PDK-së në mërgatë. Shihemi nesër në Firenze, në Kuvendin Zgjedhor të degës së PDK-së në Itali”, ka shkruar Krasniqi.