Ish-anëtari i Vetëvendosjes, Florin Krasniqi është treguar i ashpër ndaj kryeministrit të Kosovës, Albin Kurti, lidhur me qasjen e këtij të fundit ndaj aleatit kryesor të vendit, ShBA-së.

Krasniqi në “Klan Kosova” është shprehur se Amerika është prishur me aleatët e vet për ta bërë shtetin e Kosovës.

Ai ka theksuar se nuk do të lejojë që Kurti me disa huliganë ta prishë Kosovën me Shtetet e Bashkuara të Amerikës.

“Unë prej se e kam njohur Kurtin, e ka parë Amerikën si ‘perandori djallëzore’. Por, unë kam menduar që me kohë e kupton se është një perandori që duhet ta mbajë rendin botëror, tregtinë botërore”, ka thënë Krasniqi.

Krasniqi ka theksuar se në asnjë rrethanë nuk guxojmë t’i cenojmë raportet me Amerikën.