Kryetari i Partisë Demokratike të Kosovës, Memli Krasniqi, ka pritur në takim shefin e zyrës së Bashkimit Evropian në Kosovë, Tomas Szunyog.

Krasniqi e Szunyog diskutuan për zhvillimet e fundit politike në Kosovë dhe perspektiven evropiane të shtetit tonë.

“Ambasadorit Szunyog i shpreha shqetësimin në lidhje me vazhdimin e masave të BE-së kundër Kosovës, të cilat po dëmtojnë mirëqenien e qytetarëve tanë. Për PDK-në, integrimi euroatlantik është i paalternativë dhe rruga e vetme përpara”, ka thënë Krasniqi pas takimit.