Milazim Krasniqi, në “Debat Plus” në RTV Dukagjini ka thënë se ka qenë ndërmjetës dhe emisar Ibrahim Rugovës me udhëheqësit shqiptar.

Krasniqi ka treguar se a është takuar Rugova me Ramiz Alinë dhe a ka vendosur Rugova lule te varri i Enver Hoxhës.

“Po Rugova është takuar me Ramiz Alinë dhe gjatë një vizite që kishte në Tiranë e kanë dërguar për të bërë homazhe te varri i Enver Hoxhës”.

“Kur ka shkuar atje i kanë dhënë kurorë për ta vendosur te varri i Enver Hoxhës, ndërsa Rugova nuk e ka bërë këtë. Në atë moment dy ushtarë që kanë bërë roje ia kanë drejtuar kallashnikovin. Vetëm ndërhyrja e personelit ia ka shpëtuar jetën”, tha ai.

Krasniqi thotë se ne vitet e para pas demokracisë në Shqipëri Rugova kishte raporte shumë të mira me Berishën, por thotë se raportet mes tyre u ftohën në kohën kur Berisha i bëri thirrje Rugovës për t’iu bashkuar opozitës serbe për ta rrëzuar Millosheviqin.