Kryetari i Partisë Demokratike të Kosovës, Memli Krasniqi, ka shkruar në “Facebook” se në Kuvendin e Kosovës kanë miratuar Deklaratën për mbështetjen e rezolutës së Asamblesë së Përgjithshme të Kombeve të Bashkuara për Ditën Ndërkombëtare të Reflektimit dhe Përkujtimit të Gjenocidit të vitit 1995 në Srebrenicë.

Ai ka thënë se kjo deklaratë është miratuar për të dërguar një mesazh të qartë se “nuk do të harrojnë se si regjimi kriminal serb, 29 vjet më parë kishte kryer gjenocid në Srebrenicë, duke vrarë 8372 civil të paarmatosure”.

“Fatkeqësisht, edhe sot, qindra kriminelë serbë që sollën shumë vdekje e shumë dhembje në tërë Ballkanin, vazhdojnë të enden të lirë, pa marrë asnjëherë dënimin e merituar”, ka shkruar Krasniqi.