Krasniqi: Përgjithmonë mirënjohës për policinë dhe heroizmin e Enver Zymberit
Kryetari i Partisë Demokratike të Kosovës (PDK), Memli Krasniqi, ka kujtuar heroin e Kosovës, policin Enver Zymberi në 11-vjetorin e rënies së tij, dhe ditën e të gjithë policëve të Kosovës të rënë në detyrë.
Krasniqi, përmes një postimi në llogarinë e vet në “Facebook” është shprehur se Enver Zymberi ka rënë heroikisht në krye të detyrës, duke mbrojtur integritetin territorial dhe sovranitetin e vendit.
“Në nderim të Enverit, sot shënojmë edhe ditën e të gjithë policëve të Kosovës të rënë në detyrë që prej themelimit të Policisë tonë. Ne, si qytetarë dhe si shtet, u jemi përgjithmonë mirënjohës Policisë për punën e palodhshme, sigurinë dhe mbrojtjen që na ofrojnë, ditë dhe natë, në secilën ditë të vitit. Lavdi Enver Zymberit dhe të gjithë policëve të rënë në detyrë”, ka shkruar Krasniqi.