Futbollisti Ilir Krasniqi ka thënë se Kosova do të mundohet ta vazhdojnë serinë pozitive prej tri fitoresh radhazi.

“Atmosfera është fantastike, djemtë janë të motivuar për lojën e ardhshme që e kemi. E dimë se është një lojë mjaft e rëndësishme dhe secili djalë që është këtu po e bën maksimumin për t’u përgatitur sa më mirë dhe shpresojmë që do të kemi rezultat pozitiv”, ka thënë Krasniqi.

“Këto rezultate pozitive janë edhe për shkak të atmosferës së mirë që është në ekip dhe besoj se lojtarët janë gjithashtu të motivuar për të luajtur dhe pasi i kemi tri fitore në tri ndeshje, besoj se do ta vazhdojmë këtë seri. E dimë që është një kundërshtar mjaft i vështirë sepse është në pozitën e parë, por mendoj që me grupin që e kemi do të bëjmë mjaft mirë.”

Kosova dhe Rumania do të luajnë të premten mbrëma në Bukuresht duke filluar nga ora 20:45 për t’u përcaktuar pozita e parë në tabelë.