Ushtruesi i detyrës së drejtorit të ShSKUK-së, Valbon Krasniqi, ka thënë se spitalet në nivel vendi janë të stërngarkuara me pacientë që po trajtohen me Covid-19.

Ai ka thënë se deri tani numri i pacientëve që po trajtohen për Covid-19 ka kaluar shifrën mbi 1 mijë

“Spitalet tona janë të stërngarkuar me pacientë, ka kaluar shifrën mbi 1 mijë. Rreth 700 persona janë me oksigjenoterapi”, ka thënë Krasniqi në një konferencë për medie.

Më tutje, ai ka thënë se situata me pandeminë është rënduar shumë dhe nevojitet kujdes shtesë.