Ermal Krasniqi ka folur për herë të parë qëkur u prezantua te Raipi i Bukureshtit, duke thënë se synon titullin e kampionit.

Krasniqi është kosovari i tretë në skuadrën e Rapidit, pas Albion Rrahmanit dhe Florent Hasanit, që u transferua së fundii.

“Para së gjithash, jam shumë i lumtur që jam këtu dhe jam pjesë e këtij ekipi. Faleminderit për pyetjen! Zgjodha të vij në Rapid sepse më pëlqen stili i lojës këtu, por edhe për shkak të atmosferës së jashtëzakonshme. Mezi pres të luaj në këtë stadium”, ka thënë Krasniqi për faqen zyrtare të Rapidit të Bukureshtit.

Këtë sezon, ju keni luajtur dy herë kundër Rapid. Si e keni parë ekipin nga pozicioni i kundërshtarit? Ju madje keni luajtur këtu, në Giulesti.

“Po është e vërtetë. Sa herë që luaja këtu, në Giuleşti, ndihesha shumë mirë dhe më pëlqeu shumë atmosfera. Tani, mezi pres të luaj para tifozëve dhe me ndihmën e tyre, jam i sigurt se do të japim gjithçka”, vazhdoi ai.

Do të keni dy bashkëlojtarë nga Kosova, Albionin dhe Florentin. Sa e rëndësishme ishte kjo në zgjedhjen tuaj për të ardhur këtu?

“Me Albion kemi luajtur bashkë në Kosovë, në FK Ballkani dhe jam shumë i lumtur sepse pjesë e ekipit tani është edhe Florent Hasani. Ne do të bëjmë më të mirën për të dhënë më të mirën tonë dhe për të arritur objektivat tona”, theksoi sulmuesi kosovar.

A mundet Rapid të ketë tre lojtarë në të njëjtën kohë në Kombëtaren e Republikës së Kosovës?

“Dy prej nesh janë tashmë në kombëtare dhe shpresoj që Florenti të thirret së shpejti”.

Çfarë mendoni për konkurrencën këtu? Ka shumë lojtarë sulmues në Rapid.

“Unë jam në dijeni të konkurrencës këtu. Kështu duhet të jetë në të gjitha ekipet. Kushdo që luan do të duhet të japë 100%. E rëndësishme është që skuadra të fitojë dhe t’u japë tifozëve atë që duan, pra fitoren”.

“Jam shumë i lumtur që jam këtu dhe ju premtoj se do të jap 100% në çdo stërvitje dhe çdo ndeshje. Uroj dhe shpresoj që së bashku ta fitojmë titullin”.