Presidenti i FFK-së, Agim Ademi, ka bërë me dije se kremtimin e 17-vjetorit të Pavarësisë së Kosovës e filluan në Mitrovicë, së bashku me të ardhmen e futbollit në vend – djemtë dhe vajzat e grupmoshave U9, U11 dhe U13.

“Turneu tradicional mbarëkombëtar “Mitrovica Cup” ka mbledhur 45 skuadra nga Kosova, Shqipëria dhe Maqedonia e Veriut. Ishte një kënaqësi e veçantë t’i shihnim të rinjtë teksa luanin me pasion, talent dhe shpirt garues, në vigjilje të 17-vjetorit të Pavarësisë, duke treguar se e ardhmja e futbollit është premtuese”, ka shkruar Ademi në Facebook.