Një krokodil gjakatar “i pavdekshëm” me emrin e Bin Laden ka ngrënë 80 fshatarë, duke terrorizuar të rriturit dhe fëmijët për vite me radhë.

Osama, krokodil i Nilit, besohet të jetë mbi 75 vjeç dhe ka jetuar në Liqenin Victoria të Ugandës për pjesën më të madhe të jetës së tij, raporton Daily Star.

Bisha me gjatësi 4.87 metra ka shuajtur një të dhjetën e popullsisë në fshatin e vogël Luganga midis viteve 1991 dhe 2005.

Një nga viktimat e sulmeve të krokodilit ishte dhe një peshkatar vendas, rrobat e të cilit u zbuluan duke notuar mbi ujë, sipas raportimeve lokale.

Një burrë tjetër ishte dëshmitar dhe i mbijetoi një sulmi nga zvarraniku i frikshëm, por vëllai i tij nuk ishte me fat dhe humbi jetën.

Fshatarët kërkuan ndihmë dhe në 2005 krokodili u kap me ndihmën e 50 burrave vendas dhe zyrtarëve të botës së egër.

Disa fshatare donin të vrisnin zvarranikun, por përfaqësuesit e botës së egër u thanë fshatarëve se do të ndëshkohen nëse do të vrisnin kafshën.