Tashmë është bërë me dije se Joachim Low do të largohet nga Gjermania pas Kampionatit Evropian të kësaj vere dhe tani Toni Kroos është vendosur ta ndjekë rrugën e tij.

Mesfushori ka luajtur 101 ndeshje me ekipin kombëtar gjerman, ka shënuar 17 gola dhe ka fituar Kupën e Botës në vitin 2014. Sipas “Bild”, ai do të tërhiqet nga ndeshjet ndërkombëtare pas garës të kësaj vere. Në atë moment, Kroos do të jetë në gjendje të përqendrohet në futbollin e tij te Real Madridi.

Në 2019 u arrit një marrëveshje midis Kroosit dhe klubit dhe u nënshkrua një kontratë e re deri në vitin 2023.