Kryebashkiaku i Londrës, Sadiq Khan, ka krahasuar gjuhën e përdorur nga Donald Trump me atë të “fashistëve të shekullit të 20-të” në një shkrim përpara vizitës shtetërore të presidentit amerikan në Londër, që fillon të hënën.

Duke shkruar në “The Observer”, Khani ka dënuar trajtimin “me qilim të kuq” që po i bëhet Trump i cili me gruan e tij Melania do të jetë i ftuar i Mbretëreshës gjatë qëndrimit të tij treditorë, i cili pritet të shkaktojë protesta masive në kryeqytet të martën.

Khan ndër të tjera ka thënë: “Presidenti Donald Trump është vetëm një nga shembujt më të egër të një kërcënimi global në rritje. E djathta e djathtë është në rritje në mbarë botën, duke kërcënuar të drejtat dhe liritë tona të fituara dhe vlerat që kanë përcaktuar shoqëritë tona liberale dhe demokratike për më shumë se 70 vjet.”

“Viktor Orban në Hungari, Matteo Salvini në Itali, Marine Le Pen në Francë dhe Nigel Farage këtu në Britani po përdorin të njëjtat retorika përçarëse së fashistëve të shekullit të 20-të për të mbledhur përkrahjen dhe për të shpërndarë mesazhin e tyre, por këtë radhë me metoda më të sofistikuara. Ata po fitojnë terren, fuqi dhe ndikim në vende që do të kishin qenë të pa mendueshme pak vite më parë”.