Kryeministri i Bullgarisë, Boyko Borissov nesër (e hënë) do ta vizitojë Kosovën.

Vizita e tij bëhet me ftesë të presidentit të Kosovës, Hashim Thaçi, i cili ditë më parë kishte zhvilluar një bisedë telefonike me të, ku ndër të tjera kishin folur edhe për Samitin e Sofjes, që vlerësohet i rëndësishëm për rrugëtimin e shteteve të Ballkanit Perëndimor drejt anëtarësimit në Bashkimin Evropian (BE).

Borissovi do të takohet gjithashtu edhe me kryeparlamentarin Kadri Veseli dhe kryeministrin Ramush Haradinaj.

Bullgaria aktualisht kryeson Presidencën e Bashkimit Evropian (BE).